---

Forum » » Avis de recherche » » bedous 64

---

Posté : 05-01-2009 17:38

Que soi vadut en heurèr,leugèr,
En Bedós, país d’aulhèr, leugèr,
On lo gave e cor un drin mei doçamernt,
Leugèr, leugèr, leugerament.

N’èi pas sentit lo temps,
Qu’i demorèi ua annada,
Que partí au primtemps,
Cap tau cap de la mar grana.

La baish a la mar grana,
I a un país tot blanc
L’aigueta qu’i ei clara,
Lo hred n’ei pas maishant.

Partir entau gran viatge,
A noste qu’ei la lei,
Que’m voi guardar sauvatge,
Sorelh, sorelh, sorelh.

Partir non sèi perque,
Partir permor qu’ac cau,
Partir dab lo sovier
Un bròc qui herà tostemps mau.

Deishatz lo men saunei
Anar tà la sau de la mar,
Tostemps qu’i crederèi,
Dab jo tostemps que tornerà.


E puish voler un dia
Tornar trobar l’arriu,
Quitar lo qui t’espia
Nadar a contre briu.

Tornar non sèi perque,
Tornar permor qu’ac cau,
Permor d’aqueth sovier,
Lo bròc qui tostemps a hèit mau.

Be n’ei long aqueth viatge,
Tant e tant de hialats,
Tant e tant de barratges,
Combat, combat, combat,

E cent còps qu’èi sautat,
Cent còps arrecadut,
E cent còps alebat,
Que passarèi, que’n soi segur.

E qu’arribarèi parièr, leugèr,
En Bedós país d’aulhèrs, leugèr,
On lo gave e cor un drin mei doçament,
Leugèr, leugèr, leugerament.

Un darrèr còp aimarèi,
Tà’m trufar deu temps qui passa,
Un darrèr còp semiarèi,
E que deisharèi la plaça.

---

Cet article provient de Pharmechange
https://www.pharmechange.com/viewtopic.php?topic=7276&forum=8